Izraeli luftë në 3 fronte, ministri i Mbrojtjes: S’do ngelet asgjë nga Gaza e sotme

Forcat ushtarake izraelite shprehen se mijëra ushtarë janë pranë kufirit të Gazës dhe janë gati të ekzekutojnë misionin që u është dhënë.

Luftimet mes grupit Hamas dhe forcave izraelite vijojnë në disa fronte ku frika më e madhe është në kufi me Libanin ku ka prezencë edhe të trupave të grupit Hezbollah.

Gjithashtu luftimet vijojnë dhe në kufi me Sirinë.

Izraeli pritet të nis ofensivën në Gaza në momentin që ata do të sigurohen se Hamas nuk ka më aftësi ushtarake.

Ministri i Mbrojtjes i Izraelit, paralajmeroi se  Hamasi  donte një ndryshim dhe do ta ketë atë. “Nuk do të mbetet asgjë nga ajo që sot është në Gaza”, tha ai.

Ne e kemi nisur ofensivën nga ajri, më vonë, do të vijmë përmes tokës. Ne jemi duke e kontrolluar këtë zonë që nga Dita 2 dhe jemi në ofensivë. Vetëm sa do të intensifikohet”, tha ai.

Izraeli ka thirrur qindra mijëra rezervistë dhe shumë presin një pushtim tokësor të Gazës në ditët në vijim. Zyrtarët izraelitë i kanë thënë publikut që të përgatitet për një luftë të gjatë prej të paktën disa javësh.

Sa i përket bilancit numri i viktimave vijon të rritet. Më shumë se 1200 persona kanë humbur jetën në Izrael dhe 900 të tjerë kanë vdekur në Gaza.

LEXONI GJITHASHTU:

• Pamjet nga masakra në Kfar Aza| Militantët e Hamasit vranë familjet brenda banesave
• Izraeli shkatërron sistemin e zbulimit të avionëve të Hamasit në Gaza
• “Jemi 4 km nga kufiri”, çifti izraelit: Kështu duket Gaza nga ballkoni ynë