Izraeli sulmon Libanin, 13 persona të vdekur

Ushtria izraelite ka konfirmuar se ka kryer një sulm ajror ndaj kampit palestinez të refugjatëve Ain al-Hilweh, pranë qytetit bregdetar libanez Sidon.

Në deklaratën e saj, ushtria izraelite pretendoi se kishte goditur një qendër stërvitore të Hamasit.

Ky sulm përbën një rast të rrallë të një sulmi izraelit ndaj Hamasit në Liban. Në muajin korrik, një komandant i lartë i Hamasit u vra në një sulm në Tripoli, dhe para kësaj, në maj, një tjetër komandant i grupit u vra në Sidon.

Izraeli po kryen sulme sistematike në jug të Libanit, por edhe në zona të tjera, duke pretenduar se po lufton kundër Hezbollahut dhe duke shkelur armëpushimin e arritur vitin e kaluar.

Një punëtor komunal libanez u vra në një sulm tjetër të martën në Libanin jugor. Al-Manar raportoi për një sulm izraelit me dron ndaj një automjeti të tipit Rapid në qytetin jugor Bint Jbeil.

Ndërkohë, Ministria libaneze e Shëndetësisë njoftoi se një person ka humbur jetën në sulmin në Bint Jbeil.

LEXONI GJITHASHTU:

• Sulm izraelit në Liban, vritet një anëtar i lartë i Hezbollahut
• Dështojnë bisedimet e paqes mes talibanëve dhe Pakistanit