“Historia e çiftit që humbën jetën”, gazetari: Nuk po kapet më drogë në Durrës

Zbulimi dhe goditja e rrjetit ndërkombëtar të trafikut të kokainës nga vendet e Amerikës Latine, e trafikuar dhe përpunuar në Shqipëri në një laborator të sofistikuar në fshatin Qerekë të Fushë-Krujës ishte temë e mbrëmjes së sotme në emisionin “Review” në Euronews Albania.

Duke folur mbi këtë çështje gazetari Julian Kasapi ngriti alarmin se në Portin e Durrës nuk po kapet më asnjë sasi droge. Ai tregoi mënyrat e kamuflimit për të fshehur drogën si në: Banane, pula, karkalecë deti apo në shishe vere duke sjellë në vëmëndje një histori tragjike të vdekjes së një çifti të pafajshëm pasi pine verë e cila përmbante 150 gram kokainë.