“Jam rrogtar me pagë qesharake”- Lihen në burg të ndaluarit për mikrokreditë
Gjykata e Tiranës ka lënë në fuqi masat për 9 persona, 5 prej të cilëve “Arrest në burg” e 4 “Arrest në shtëpi”, lidhur me mashtrimin përmes mikro kredive dhe përmbarimit. Ata akuzohen për vjedhje dhe shpërdorim detyre, ndërsa denoncimi ishte bërë për skema mashteuese dhe piramidale me mijëra qytetarë.
Masa Arrest në burg u dha për shtetasit:
1 – Aldo Daka
2 – Albert Gega
3 – Edmond Mato
4 – Arben Meskuti
Në masën e “Arrestit në shtëpi” janë lënë:
1 – Jorsida Dervishi
2 – Alketa Tanushi
3 – Kejda Seferi
4– Elda Ibro
Ndërsa në kërkim në lidhje me skandalin e mikro-kredive është shpallur Alban Kote.
Një nga të arrestuarit deklaroi në seance se “po gjykohen si në komunizëm, kanë ushtruar aktivitet të ligjshëm dhe se nga ana e përmbaruesve janë zbatuar detyrimet”. “Jam thjesht një rrogtar me një pagë qesharake”, deklaroi një nga personat e akuzuar që ka punuar si përmbarues.
Si funksiononte skema mashtruese me mikro-kreditë?
4 mijë kredi të keqija që u blenë nga një bankë e nivelit të dytë me vlerë totale rreth 7.2 milion euro u përdorën për një skemë shtrënguese ku u imponohej debitorëve që kishin borxhe të vjetra, të rimernin kredi edhe pse nuk kishin mundësi shlyerje si dhe u bllokonin nga shoqëritë përmbarimore rrogat, pronat, apo makinat.
Hetimi i prokurorisë së Tiranës pas kallëzimit të ministrisë drejtësisë ka zbuluar se në këtë skemë ishin të përfshira 3 shoqëri përmbarimore dhe 2 institucione financiare të cilat e kanë vënë në jetë, përmes ndihmës së një noteri dhe të disa avokatëve.
Micro credit Albania dhe shoqëritë e tjera financiare joshnin debitorët të mernin kredi të reja duke i hequr përkohësisht pasurinë e bllokuar ndërsa prokuroria thotë se më tej aplikoheshin kamat vonesa 2% + 8% për çdo vit.
Si një rast ilustrues të abuzimeve prokuroria thotë se për një detyrim të prapambetur prej 3.5 milion lekësh të vjetra një shtetasi i janë sekuestruar 14 pasuri.
Për administratorët e shoqërive MCA dhe STAR-fs dhe përmbaruesit privatë, Aldo Daka, Albert Gega, Edmond Mato, Kejda Seferi, Arben Meskuti, Alban Kote, Alketa Tanushi, Jorsida Dervishi dhe Elda Ibro të cilët akuzohen për vjedhje e shpërdorim detyre u caktuan masat e sigurisë “Arrest me burg” dhe “Arrest shtëpie”.
Për këtë çështje pak ditë më parë u thirr në seancë dëgjimore në komisionin parlamentar të ekonomisë dhe financave guvernatori i bankës së shqipërisë Gent Sejko i cili deklaroi se institucioni që ai drejton kishte marrë të gjitha masat që i lejonte ligji.
LEXONI GJITHASHTU:
Vritet një polic gjatë një operacioni në Maliq, plagoset një tjetër
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve
- 08:13 Vritet një polic gjatë një operacioni në Maliq, plagoset një tjetër
- 07:56 Rama publikon pamje me mbeturina nga Zvërneci: Kjo është parajsa që duan të mbetet e paprekur
- 07:40 Humbje diplomatike për Gjermaninë në OKB, Berlini ngre dyshime për ndikimin rus
- 07:18 SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut