Tsunoda mori një pikë në shtëpi ndërsa Verstappen barazoi Schumacher me 3 fitore rradhazi në Suzuka. Tani që gara në Japoni ka përfunduar është koha për bilance dhe statistika.
Tre fitoret rradhazi nga Michael Schumacher në vitet 2000-2002 dje u barazuan nga Verstappen i cili arriti edhe fitoren e 30’të duke u nisur nga pole position. Gjithashtu u bë piloti i katërt në histori me 3000 xhiro në kryesim pas Schumacher, Vettel dhe Hamilton.
Red Bull çoi për të 31-ën herë pilotët e saj në dy vendet e para. 2 më pak se Williams në vendin e katërt. Në asnjë sezon më parë nuk ka ndodhur që 4 garat e para të fitohen nga pilotët e të njëjtës skuadre, tre herë Red Bull dhe Ferrari në Australi.
Carlos Sainz është ngjitur në podium në çdo garë që mori pjesë këtë sezon ndërsa Japonia prodhoi të njëjtin podium si në Bahrain. Fernando Alonso në vendin e gjashtë ishte rezultati më i mirë për Aston Martin në Suzuka prej vitit 2013.
Lewis Hamilton dhe Mercedes u renditën për të parën herë jashtë peshëses së parë prej vitit 2014 në Suzuka. Yuki Tsunoda u bë piloti i parë japonez që merr pikë në shtëpi pas Kamui Kobayashit në vitin 2012.
LEXONI GJITHASHTU:
- Verstappen triumfon në Japoni, Red Bull dominon përpara Ferrarit, McLaren e Mercedes
- Temat e nxehta në çmimin e madh të Japonisë në F1
