Jasir Asani firmos me Esteghlal, kur do të largohet nga Korea e Jugut për në Iran

Në këto 2 vite ka qenë një ndër lojtarët kyç jo vetëm në skuadrën e tij Gwangju, por edhe në kampionatin e Koresë së Jugut.

Asani ka vendosur të largohet dhe do të kalojë te Esteghlal, ku do të bashkohet me ekipin në janar të vitit 2026, pasi të ketë përfunduar kontrata me Gwangju.

Njoftimi për lëvizjen është bërë nga vetë ekipi iranian, që e ka prezantuar Asanin nëpërmjet një video me golat e tij më të bukur.

“Pas negociatave mes Esteghlal dhe sulmuesit shqiptar Jasir Asani, lojtari firmosi një kontratë për 1 vit e gjysmë dhe do t’i bashkohet Esteghlal sapo të mbarojë kontrata me Gwangju. Lojtari ka kontratë me klubin korean deri në janar, dhe drejtuesit e Esteghlal po bëjnë përpjekje që Asani t’i bashkohet klubit para këtij afati,” thuhet në njoftimin e klubit iranian.

30-vjeçari largohet pas dy sezonesh të suksesshme në Korenë e Jugut, ku ka qenë heroi i Gwangju në disa ndeshje kyçe, madje duke shkëlqyer edhe në Ligën e Kampionëve.

Esteghlal është një nga ekipet më të mëdha të Iranit dhe ka fituar shumë trofe gjatë historisë së tij.

LEXONI GJITHASHTU:

• VIDEO/ Kore antishqiptare në ndeshjen e basketbollit Maqedoni e Veriut – Rumani
• Broja largohet pas 16 vitesh te Chelsea, zbulohet ekipi ku mund të shkojë