“Je aty” Euronews pasqyron kërkimet në Adana, momenti kur mikrofoni futet në rrënoja

Ekipi i Euronews Albania ka qenë këtë të mërkurë në zonën e rrënojava të tërmetit që preku Turqinë.

Nga Adana gazetari Ardit Hoxha ka sjellë një video që tregon mënyrën sesi po kryhen kërkimet në banesat dhe pallatet e shembura.

Ekipet e emergjencave fusin në një mikrofon nën rrënoja dhe presin prej aty një mesazh nga ndonjë person që mund të jetë ende gjallë.

“Je aty?”- komunikojnë ekipet e shpëtimit në mikrofon dhe presin përgjigje.

Në momentin që pritet përgjigjja një qetësi pushton zonën, fiken automjetet dhe të gjithë presin në ankth nëse do të dëgjojnë zërin e një personi të gjallë.

LEXONI GJITHASHTU: 

• Euronews Albania raporton nga Adana, gazetari Hoxha jep detaje për situatën në Turqi
• Parashikoi goditjen në Turqi, studiuesi paralajmëron një tjetër tërmet në këtë zonë
• Erdogan do të vizitojë sot qytete të tjera të goditura nga tërmeti