“Jemi servilë”, Murrizi replika me Mediun: Si s’na strehuan ne në kohën e Enverit?

Myslim Murrizi ka replikuar me ish-ministrin e mbrojtjes Fatmir Mediu, duke i thënë se politika për hir të servilizmit nuk mund të vendos në rrezik institucionet e sigurisë.

I ftuar  në emisionin “Now” në Euronews Albania, Murrizi tha se vendi ynë nuk mund të behët vend strehimi për të gjithë opozitat e vendeve totalitare.

Teksa u ndal te strehimi ai përmendi kohën kur shqiptarët nuk i strehoi askush gjatë regjimit të Enver Hoxhës.

“Politika për hatër të servilizmit nuk ka pse vendos në rrezik institucionet e sigurisë. Ne morëm muxhahedinët, morëm irakianët, sirianët, por ne nuk mund të bëhemi strehim për të gjithë opozitat e vendeve totalitare. Mediu dhe unë jemi në një moshë që e kemi vuajtur qenien në opozitë kur ishte ne regjim Enveri. Si nuk doli një vend kaq bamirës të merrte të gjithë ata 1200 të pushkatuar që u arratisën. Si nuk na strehoi ne një vend i BE apo i NATO-së. Ne jemi servilë ndaj NATO-së”- tha ai.

LEXONI GJITHASHTU: 

• Charles Michel: Qëndrojmë krah Polonisë, në kontakt me aleatë të NATO-s
• Gazetari investigativ: Email-i sekret i kreut të SHISH për Ahmetajn dhe satelitët