“Jemi të shokuar”, anëtari i FSK bashkëpunëtor në vrasjen e Liridonës, flet i vëllai

Mes tre të arrestuarve për vrasjen e Liridona Murselit ishte edhe nipi i Naim Murselit, Kushtrim Kokolla i cili është edhe pjesëtar i FSK-së. Ai dyshohet se ka bashkëpunuar në krim me bashkëshortin e viktimës dhe ekzekutorin Granit Plava.

Lidhur me arrestimin e tij, ka reaguar vëllai i Kushtrimit, Kanon Kokalla, i cili është efektiv i Policisë së Kosovës.

“Jemi të shokuar! Por një gjë ta garantoj, se vëllai im në natën kritike ka qenë në shtëpi. Tjetër gjë nuk di”, tha Kokolla për mediat në Kosovë.

Sipas tij, Kushtrimi ka qenë  shumë i lidhur me viktimën. Më tej ai u shpreh se të gjithë janë të shokuar.

“Vallaj nuk besoj! Ai ka qenë shumë i lidhur me të (Liridonën). Se ne jemi shumë të lidhur familjarisht. Ne jemi rritë bashkë me Liridonën! Tri familje jemi ekstrem keq. Të shokuar. Si familjarët e Liridonës, si prindërit e Naimit, si ne, komplet jemi të shokuar. Po na duket si ëndërr e s’po mundemi me besu. Përpos nëse çmendesh, se nuk ka kurrfarë arsye një njëri me e bë atë send”,-ka thënë Kanon Kokalla.

Deri më tani të arrestuar për këtë krim makabër janë Naim Murseli si porositës i krimit dhe Granit Plavës, në rolin e ekzekutorit, dhe Kushtrim Kokalla.

LEXONI GJITHASHTU:

• Foto| Pjesëtar i FSK-së, kush është i arrestuari i 3 për vrasjen e Liridonës
• Bashkëshorti porositi vrasjen e Liridonës/ Policia: Gjendet pistoleta me 19 fishekë