“Jeni bërë copash”, Ylli Manjani komenton Federatën e Opozitës

Juristi Ylli Manjani  tha në një intervistë për “Now me Erla Mëhillin” se Federata e Opozitës është propozim i mirë duke qenë se herë pas here duhet të dëgjohen dhe zëra të tjerë.

Sipas tij në radhët e opozitës nuk ka asnjë shans që të bëhen në një mendje.

“Në radhët e opozitës ka hyrë fara e dreqit dhe s’ka burrë nëne që i bën bashkë, është e lexueshme, e dukshme. Qartësisht këta i ka ngrënë dreqi, janë copëtuar, janë bërë copash, kjo është e dukshme. E dyta në radhët e opozitës duhen dhe violina të tjera sepse nuk mjafton vetëm violina e Sali Berishës. Nuk funksionon kjo punë, 4-5 herë në javë, 3 herë në ditë vetëm një violinë. Jo, duhen dhe të tjerë dhe kjo nisma juaj është e mirë,” – iu drejtua Manjani, Agron Dukës ndërsa komentonte Federatën e Opozitës.

LEXONI GJITHASHTU:

• Kush është më i fortë se Tom Doshi në opozitë? Kulluri debat me Dukën
• Sa deputetë ka Mediu dhe Duka? Abilekaj: Ja bilanci i Federatës së Opozitës