Jenny Berggren e grupit legjendar “Ace Of Base”, koncert magjik në Tiranë

Spektakël, emocione, nostalgji, ishte ajo që dhuroi këngëtarja e grupit legjendar “Ace of Base”, Jenny Berggren mbrëmjen e të martës në kryeqytet.

Në një koncert të zhvilluar në sheshin “Skënderbej”, Berggren elektrizoi publikun dhe adhuruesit e saj duke performuar këngët e njohura të grupit “Ace of Base”, si “All that she wants”, “Don’t turn around”, Angel Eyes, Angel of Love, Beautiful Life, si dhe disa këngë të repertorit të saj.

Qytetarët e pranishëm në shesh kënduan dhe kërcyen së bashku me këngëtaren, duke përjetuar nostalgjinë e viteve ‘90 ku këto këngë dëgjoheshin masivisht në vendin tonë.

Të pranishëm ishin dhe të rinjtë të cilët adhurojnë këngët e “Ace of Base”.

Në koncert nuk munguan as surprizat ku për herë të parë Berggren këndoi shqip.

Koncerti i këngëtares Jenny, është pjesë Javës Kulturore Suedeze në vendin tonë që do të zgjasë deri më 19 qershor.

LEXONI GJITHASHTU:

• Koncert me ansamblin e Ballkanit, luhen vepra të kompozitorëve të huaj
• At Spiro Katundi feston 70-vjetorin, koncert për dashurinë dhe traditën në Korçë