Jep dorëheqjen drejtori i RTSH, pritet të emërohet zv.ministër i Mbrojtjes

Enkelejd Joti ka dhënë dorëheqjen nga posti i Drejtorit të Përgjithshem të RTSH dhe pritet të emërohet zv.ministër i Mbrojtjes

Joti mori drejtimin e RTSH në nëntor të vitit 2021, ku pasoi në detyrë ish-drejtorin e RTSH-së, Thoma Gëllçi, i cili u arrestua nga Prokuroria e Posaçme Kundër Korrupsionit dhe Krimit të Organizuar (SPAK) nën akuzën e shpërdorimit të detyrës për shkak të pabarazisë në tendera.

Joti ka mbajtur postin e drejtorit të Qendrës Spitalore Universitare “Nënë Tereza”, teksa marrja e drejtimit të RTSH, ishte një rikthim në media, pasi ai ka mbajtur më parë poste drejtuese në një televizion kombëtar si dhe postin e nëndrejtorit të RTSH-së.

LEXO GJITHASHTU:

• Prokurori Çela: Vitin e kaluar vakancat e prokurorëve arritën në 42%
• Balla: Kemi mbledhur firmat nga më shumë se 5 vende kundër raportit Dick Marty