Prokurori Çela: Vitin e kaluar vakancat e prokurorëve arritën në 42%

Prokurori Olsian Çela tha në raportimin vjetor të Këshillit të Lartë të Prokurorëve se vakancat në Prokurori vitin e kaluar, për shkak të vetingut arritën 42 %.

Sipas prokurorit pavarësisht gjendjes së rënduar prokurorët dhe strukturat administrative e mbështetëse në prokurori vazhduan përpjekjet për të përballuar këtë gjendje kalimtare

“Vitin e kaluar vijoi krijimi i vakancave të përkohshme dhe të përhershme deri në 42 % të prokurorëve për shkak të rivlerësimit kalimtar. Ndërkohë, me gjithë situatën e rënduar, prokurorët dhe strukturat administrative e mbështetëse në prokurori vazhduan përpjekjet për të përballuar këtë gjendje kalimtare.

Përgjatë vitit 2022 është kryer mjaft punë për arritjen e një sërë objektivash në fokusin e veprimtarisë së Prokurorisë së Përgjithshme. Do të evidentoja këtu masat administrative dhe procedurale institucionale, siç janë miratimi i udhëzimeve të përgjithshme dhe planeve të veprimit për të vijuar unifikimin e veprimtarisë së prokurorive me juridiksion të përgjithshëm dhe mbikëqyrja e zbatimit tyre, për rritjen e efiçensës dhe efektivitetit në veprimtarinë e sistemit të prokurorisë bazuar në një kuadër normativ të unifikuar dhe sa më të konsoliduar në veprimtarinë institucionale”,-raportoi prokurori Olsian Çela.

LEXONI GJITHASHTU:

• Dhunohet e mitura në Prishtinë, gjendet në bagazhin e makinës, shoqërohen 7 të rinj
• Zbulohet sera me 500 fidanë kanabis në Roskovec, në pranga autori i dyshuar
• Korçarja: Në Korçë dhe Berat festohen Pashkët më mirë se kudo tjetër