“Jo bëhet, jo s’bëhet, jo mundet, jo s’mundet”, Rama sulmon partitë e reja

Gjatë fjalës së tij në hapjen e fushatës së PS këtë të shtunë nga sheshi Skënderbej, kryeministri Edi Rama, përveçse atakoi Partinë Demokratike duke iu referuar si “kënetë”, ironizoi edhe partitë e reja të Adriatik Lapajt, Agron Shehajt dhe Arlind Qorit.

Ai i cilësoi ato si parti me emra qesharakë, si: “Jo bëhet, jo s’bëhet, jo mundet, jo s’mundet, jo bashkë, jo veç, e tërrci e vërrci”.

Rama tha se më 11 maj është një zgjedhje mes Shqipërisë në BE ose Shqipërisë në gropë, duke u shprehur se vota për PS është që “Zonja Shqipëri” të jetë në sallonin e madh të Bashkimit Europian.

“Duke filluar nga 11 maji, ku zgjedhja nuk është mes ca partive, por mes Shqipërisë në vitin 2030 në BE dhe Shqipërisë drejt e në gropë përsëri, me ne ose me kënetën madhështore dhe me shitësit e qilimave fluturues të pazarit, e ca partive që kanë dhe emra qesharakë: “Jo bëhet, jo s’bëhet, jo mundet, jo s’mundet, jo bashkë, jo veç, e tërrci e vërcci”. Vetëm Shqipëria e vitit 2030 e blindon përfundimisht, pa asnjë mundësi prapakthimi, themelin e barazisë para ligjit që PS pati kurajon ta hedhë, dhe deri kur ne ta fusim “Zonjën Shqipëri” në sallonin e madh kryesor të shtëpisë europiane, vetëm shqiptarët e bashkuar me mua dhe ju mund ta mbrojnë drejtësinë e re nga kënetat, dhe mund të mbyllin negociatat me BE brenda”, tha Rama.

LEXONI GJITHASHTU:

• Rama në hapjen e fushatës: Kush e do Shqipërinë anëtare në BE, voton PS-në
• VIDEO-LIVE| Me valle popullore, PS hap fushatën elektorale në Sheshin Skënderbej