Juristi Ndreca replikë me Godolen për Bujar Çelën: Nuk ka ndalim ta nxjerrë foton e diktatorit

Juristi Plarent Ndreca dhe studiuesja Jonila Godole debatuan në studion e “Now”, nëse simbolet e regjimeve diktatoriale duhet të përdoren apo jo në publik.

Shkas për debatin u bë veprimi i deputetit socialist Bujar Çela, i cili në grupin e Whatsapp-it të Komisionit të Sigurisë, uroi 28-nëntorin duke dërguar imazhin e Enver Hoxhës krah flamurit shqiptar.

Në një parlament që ka votuar të gjitha rezolutat e BE-së për dënimin e krimeve, është e patolerueshme që një deputet të përdorë simbole komuniste, sipas Jonila Godoles.

“Në ditën e festës kombëtare të shqiptarëve, të dalësh me figurën e diktatorit?”, u shpreh znj. Godole.

Mirëpo për Plarent Ndrecën nuk përbën problem nëse përdoret emri i diktatorit Enver Hoxha, pasi sipas tij, “ne vuajmë nga fakti që nuk i përdorim as emrin”.

Për rastin e deputetit Çela, ai tha se nuk është problematik pasi në Kushtetutë nuk ka ndalim për përdorim publik të simboleve politike.

LEXONI GJITHASHTU:

• Jonila Godole: Në Shqipëri mungon dekomunistizimi i gjerë për të ndryshuar mentalitetin
• Nostalgjikët e komunizmit janë thjesht të pakënaqur me Shqipërinë sot, sipas historianit