Juventus në gjurmët e Mitaj, 20-vjeçari krahasohet me Kim Min Jae për potencialin

28 ndeshje në kampionatin rus e 10 të tjera me kombëtaren shqiptare.

Është vetëm 20 vjeç dhe ka tërhequr vëmendjen e Juventus në Serie A. Po flasim për Mario Mitaj i cili ndërkohë që është në Tiranë për miqësoret e radhës, shfaqet në radarët e Juventus për rinovimin e skuadrës në Torino.

Drejtori sportiv te Juventus, Cristiano Giuntoli ka një opinion superior për 20 vjeçarin shqiptar të cilin e krahason me gjeorgjianin Kvaratskhelia ose jugkoreanin Kim të cilit ishin të panjohur në futbollin e madh përpara mbërritjes te Napoli në kampionatin italian.

Giuntoli beson se Mitaj është në të njëjtin nivel me ta dhe dëshiron ta vërë nën kontratë pavarësisht se Juventus nuk ka ende një emër për trajnerin e ri. Për këtë arsyes scout’ët e bardhezinjve do të jenë në Tardini për të ndjekur dhe konfirmuar bindjet e Drejtorit Sportiv mbi mbrojtësin kuqezi.

Mitaj u transferua 18 muaj më parë nga Athina në Moskë për 3 milionë euro, të cilat tashmë janë dyfishuar dhe duhen paguar në arkën moskovite nga skuadra që dëshiron shërbimet e tij.

LEXONI GJITHASHTU: 

• Kërkoi lirimin, Apeli i GJKKO rrëzon kërkesën e zv.ministrit të Shëndetësisë
• Ish-ministri i MB: Nuk mund të përjashtohet vendosja e trupave britanike në Ukrainë