“Ka pajtueshmëri…”- Zaimi: Veriu i Kosovës para 2 vitesh ishte çerdhe kriminelësh
Aktivisti i Lëvizjes Vetëvendosje, Arbër Zaimi, është shprehur se Veriu i Kosovës deri 2 vite më parë ishte kthyer në një strehë kriminelësh dhe barrë ekonomike për pjesën tjetër të Kosovës.
Komentet Zaimi i bëri në emisionin ‘Review’ në Euronews Albania, ku tha se në Veri ishin grumbulluar më parë bandat kriminale të etnive të ndryshme dhe qytetarët që banonin atje sipas tij, nuk paguanin as taksa e as energji elektrike, çka bëhej barrë për qytetarët në pjesën tjetër të Kosovës.
Ai tha gjithashtu se ka gjithmonë e më shumë pajtueshmëri mes serbëve në Veri se nëse do të respektojnë ligjet e Kosovës, do të jetojnë në paqe dhe më të lumtur.
“Kosova ka pranuar të jetë konstruktive, por pa vënë në diskutim territorin e vet. Nuk besoj se do të ketë tryezë pa u bërë e qartë se a është tërhequr Serbia nga ajo letër që braktis marrëveshjet. Kosova ka thënë që dialogu në këtë moment është në gjendje kome. Kurti nuk e ka luajtur atë rolin e personit që i thotë jo tryezave.
Por të shkosh në tryezë është një gjë dhe të kthehesh me rezultate është një gjë tjetër. Situata sesi ka qenë Veriu deri para 2 vitesh ka qenë një barrë edhe ekonomike e drejtpërdrejtë për qytetarët e Kosovës.
Ka qenë një vend ku ka mbizotëruar kontrabanda, çerdhe e krimit të të gjitha etnive që kanë gjetur strehën atje, nuk paguheshin dritat, të cilat më pas i paguanin qytetarët e pjesës tjetër të Kosovës, etj. Te serbët po rritet pajtueshmëria që ata mund të jetojnë një jetë shumë më të mirë duke zbatuar ligjet e Kosovës. Nese jetojnë me iluzionin se Kosova do të kthehet në Serbi, ata nuk do të jetojnë jetë të mirë”, tha Zaimi.
LEXONI GJITHASHTU:
Përplasje e rëndë mes 6 makinave në autostradën “Ibrahim Rugova”, plagosen 8 persona, mes tyre edhe një grua shtatzënë
Kurti: Gëzuar përvjetorin e 250-të SHBA, me dëshirat më të mira për të ardhmen e ndritshme të kombit amerikan
Aksident i rëndë në Obiliq, motori përplaset me këmbësorin. Humbin jetën dy persona
- 21:54 Dita e 35-të e protestës, qytetarët, aktivistët dhe diaspora nisin marshimin në rrugët e Tiranës
- 21:44 Avokati i Popullit: Qytetari me kriza shëndetësore të lirohet menjëherë, qëndrimi në qeli rrezikon jetën e tij
- 21:43 Protestat përfshijnë Gjermaninë plot tensione, kundra ekstremit të djathtë,! Çfarë dimë dei tani
- 21:35 Pretendimet për dhunë ndaj një të ndaluari, Ministri i Brendshëm: Avokati përgënjeshtroi veten
- 21:15 Përfundon ëndrra e Kanadasë në Botëror, Maroku dominon dhe siguron kualifikimin pas fitores 3-0
- 20:45 “I kemi të gjithë në varrim, por nuk do t’i godasim”, Trump deklarata të forta për udhëheqjen iraniane