English

Kalojnë në Kuvend tre ligjet e debatuara, 3 socialistët që abstenuan për kanabisin

KOMENTE

SHPERNDAJE
ARTIKULLIN

Text sizeAa Aa

Mes debatesh e një seance e cila zgjati deri në orët e para të mëngjesit, Kuvendi i Shqipërisë miratoi 3 projektligjet që kanë qenë kryefjalë e ditëve të fundit.

- Advertisement -

Në seancë, ku ishin prezentë 95 deputetë u miratua me 71 vota pro, 23 kundër dhe asnjë abstenim projektligji për studentët e Mjekësisë. Studentët e Mjekësisë të cilët protestuan edhe ditën e djeshme kanë paralajmëruar bojkot të procesit mësimor .

Sipas ligjit ata duhet të firmosin një marrëveshje që do të punojnë në Shqipëri për 5 vite pas diplomimit.

Kuvendi i Shqipërisë miratoi me 69 vota pro, 23 kundër e 3 abstenime edhe projekt ligjin për kanabisin mjekësor.  Në votimin e projektligjit për kanabisin vihet re abstenimi i 3 deputetëve të PS, si Fatmir Xhafa, Erion Braçe dhe Pandeli Majko.

Në fjalimin që mbajti në Kuvend, deputeti Fatmir Xhafa tha se shoqëria shqiptare nuk është gati për një nismë të tillë.

“A është gati shoqëria shqiptare për këtë projektligj me rreziqe të mëdha sociale? Unë mendoj se kjo është qasje e gabuar. Ky është një biznes që vret. Është një hap i parakohshëm për Shqipërinë”, tha Xhafa, deputet dhe ish-ministër i Brendshëm.

Ligji u mbrojt nga ministrja e Shëndetësisë, Ogerta Manastirliu, e cila tha se do të ngrihet një agjenci për kontrollin e kultivimit dhe prodhimit të kanabisit, si dhe për dhënien e licensave për eksport.

Sipas Qeverisë shqiptare, me këtë ligj synohet rregullimi dhe mbikëqyrja e kultivimit, përpunimit dhe eksportimit të kanabisit për qëllime mjekësore dhe industriale. Qeveria thotë se kjo nismë do të rrisë ekonominë e vendit.

Po ashtu u miratua me 70 vota pro, 23 kundër dhe 2 abstenime pr. Ligjin për Akademinë e Shkencave. Kryetarit tashmi  i lejohet një mandat i dytë si dhe kufizimi i moshës 75 vjeç.

Për të ndjekur kanalin e youtube të Euronews Albania KLIKO KËTU

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×