”Kalorësi i së mirës”, një dokumentar për Drini Dobin, mjekun e të gjithëve

Çfarë e bën një mjek të mirë? Doktor Drini Dobi ishte doktori i të gjithëve deri në ditën që u nda nga jeta.

Historia e tij tashmë është materializuar në një dokumentar, për t’i treguar kujtdo historinë e një mjeku të vërtetë, që gjithmonë u karakterizua nga humanizmi.

Për regjisoren dhe skenaristen Rira Kokaj, realizimi i një dokumentari mbi figurën e doktor Dobit nuk ishte aspak e lehë.

”Gjithsecili ka njohje, flet di shumë për të, në këtë rast vështirëson punën time sepse unë duhet të bëj një punë,  të projektoj doktor Drini Dobin ashtu siç e njohin të gjithë”, u shpreh ajo.

Ndarja e tij nga jeta ka lënë bosh një vend të veçantë tek kolegët dhe natyrisht edhe tek familjarët.

”E kujtojmë me mungesën e tij, e kujtojmë çdo ditë si koleg që e kishim në krah në çdo situatë klinike, ne kemi qenë edhe shumë miq familjeje ndaj edhe në situatat familjare”, tha Sonila Tomori.

”Të flasësh për Drinin është e thjeshtë dhe shumë e vështirë njëkohësisht. Sepse Drini ishte ndër ata persona që ishte po aq pozitiv, nxitës, mbështetës, motivues në jetën e përditshme, familjare. Ne të dy ishim mjekë dhe mbështesnim njëri- tjetrin, po aq e rëndësishme të flasësh për të nga ana profesionale”, tha gruaja e tij, Florida Dobi.

Doktor Drini Dobi u nda nga jeta në nëntor të vitit 2020 në moshën 51- vjeçare, pasi humbi betejën me Covid.

Pas ndarjes nga jeta ai u dekorua nga ish- presidenti Ilir Meta me dekoratën ‘’Nënë Tereza”.

LEXONI GJITHASHTU:

• Ambasadorët e BE-së miratojnë liberalizimin e vizave për Kosovën
• Dështon takimi mes Ministrisë së Shëndetësisë dhe invalidëve, paralajmërohet grevë
• Skandali i korrupsionit në PE, rrëfehet Eva Kaili: Kam qenë në dijeni të çdo gjëje