Dështon takimi mes Ministrisë së Shëndetësisë dhe invalidëve, paralajmërohet grevë

Shoqata e Invalidëve të Elbasanit i jep vetëm 3 ditë kohë Ministrisë së Shëndetësisë për të plotësuar kërkesat e anëtarëve të saj në të kundërt do t’i rikthehen sërish grevës të nisur javën e shkuar.

Me një vendim nr 78 të Këshillit të Ministrave rreth 3000 anëtarë të shoqatës së invalidëve në rang kombëtar penalizohen, pasi edhe pse kanë statusin e përjetshëm të invalidit atyre u kërkohet te paraqiten sërish tek kempi epror, për të rifilluar edhe njëherë me procedurat.

Ndërkohë iu është hequr paketa e ndihmës Higjeno-Sanitare prej 160 mijë lekë dhe në disa raste iu është ndërprerë edhe kempi.

Javën e shkuar invalidët në Elbasan nisen një greve e cila zgjati vetëm pak orë pasi pati një reagim nga Ministria e Shëndetësisë, e cila i ftoi ata për një diskutim të hënën e kësaj jave ku paraprakisht iu premtua një zgjidhje, por ndërkohë takimi i djeshëm ishte zhgënjyes për këta persona.

Sekretari i kësaj dege të shoqatës së invalidëve, Skënder Sollaku tregon se ata nuk u priten nga ministrja siç iu premtua.

Të gjendur në këtë situatë, Sollaku i bën thirrje kryeministrit të vendit të shikojë situatën me seriozitet ndërkohë qe i lënë Ministrisë së Shëndetësisë vetëm 3 dite kohe për plotësimin e kërkesave legjitime sipas tyre.

LEXONI GJITHASHTU:

• ‘Rrisni pensionet’, invalidët e punës protestë para Ministrisë së Financave
• Vaksinimi në Durrës, aplikohen gjithsej 13.200 vaksina, shërbimi për invalidët ofrohet në banesë
• Pensionistët marrin bonus, shpërblimi ruhet deri në 36 muaj