“Kam jetuar mes fukarallëkut”- Prenga tregon sfidat: Çfarë më ndihmoi në sukses

Sipërmarrësi Altin Prenga është shprehur se ndër faktorët që kanë ndikuar në suksesin e tij ka qenë edhe fati, mënyra si kanë rrjedhur ngjarjet.

Komentet Prenga i bëri në emisionin “Barometri” në Euronews Albania, ku tha se ka shumë njerëz në botë që nuk u është dhënë e njëjta mundësi si disa të tjerëve.

Megjithatë ai shtoi se jo çdo gjë në jetë ia ka lënë në dorë fatit, pasi sipas tij, për të arritur suksesin, edhe ti duhet të japësh kontributin tënd.

Prenga kujtoi edhe kohët më të hershme të jetës, që sipas tij, ka jetuar mes fukarallëkut.

“Unë jetoj aty ku jam rrit, kam një memorie shumë të qartë të fukarallëkut tim përpara, të gjitha gjërave. E them me plot bindje, për mendimin tim faktori kryesor është rrjedhoja, fati, Perëndia.

Pavarësisht se ti duhet të çohesh herët, si thonë italianët ‘kur fati të troket te dera, ti duhet të jesh’. Gjëja që unë e bëj vetë e krijoj fatin, nuk jamë për këtë gjë. Unë ja dedikoj shumë fatit, rrjedhoja si ka ardhur jeta. Unë nuk i lë në dorë gjithçka rrjedhojave, por pa ato nuk ke nga të ikësh.

Unë njoh shumë persona, që nuk i është dhënë mundësia. Një vajzë përshembull që në familje, jo dhuna, nuk i është lejuar të shkonte në shkollë. Sikur kjo femër të ishte rritur në një vend jo patriarkal, do të kishte bërë namin”, tha Prenga.

LEXONI GJITHASHTU:

• Balluku: Viti 2023 i suksesshëm, dolëm nga lista gri e pastrimit të parave
• Berisha, mosbindje civile? Gazetari: Nëse do jetë si ato më parë, s’do ketë sukses