Kamioni del nga rruga në Tiranë, përplaset me tre makina

Një aksident ka ndodhur rreth orës 13:10 në rrugën “Ramazan Gaxherri” në Tiranë.

Bëhet me dije se drejtuesi i një kamioni ka humbur drejtimin e mjetit dhe ka dalë nga rruga.

Për pasojë janë dëmtuar tre automjete të parkuara, ndërkohë që i dëmtur ka mbetur drejtuesi i mjetit i cili është dërguar në spitalin e Traumës për të marrë ndihmën e nevojshme.

Grupi hetimor dhe policia ndodhet në vendngjarje dhe po punon për zbardhjen e rrethanave të aksidentit.

Tiranë/Informacion paraprak

Më datë 22.02.2024, rreth orës 13:10, në rrugën “Ramazan Gaxherri”, shtetasi B. D., 26 vjeç, duke drejtuar mjetin tip kamion, ka humbur kontrollin mbi drejtimin e tij dhe për pasojë mjeti ka dalë nga rruga, duke dëmtuar 3 mjete të tjera të parkuara.

Shtetasi B. D., për shkak të dëmtimeve, është dërguar në spitalin e Traumës, për ndihmë mjekësore.

Grupi hetimor po punon për sqarimin e rrethanave të aksidentit.

LEXONI GJITHASHTU:

• Aksidentoi 4 këmbësor pasi humbi kontrollin e mjetit, policia në kërkim të autorit
• Gjoba këmbësorëve në Durrës, Çaçellari tregon si procedon Policia: Paguhet në vend