Kryetarja e Komisionit Evropian, Ursula von der Leyen ndodhet në Tiranë për një vizitë zyrtare në kuadër të një turi 4 ditor në Ballkan.
Në konferencën e përbashkët për shtyp me kryeministrin Edi Rama, gazetarja e Euronews Albania Eksiola Shehu e pyeti Von der Leyen nëse vendimi për hapjen e negociatave me Shqipërinë ishte më tepër politik, duke pasur parasysh hapjen e kampit në Gjadër.
Kryekomisionerja e mohoi kategorikisht një gjë të tillë, ndërsa theksoi se procesi i hapjes së negociatave bazohet në meritat për secilin vend dhe Shqipëria siç tha e ka merituar plotësisht.
“Përgjigjja e shkurtër për këtë pyetje është qartësisht jo. Procesi për të hapur negociatat me BE është i qartë dhe i detajuar. Hapja e negociatave bazohet në meritat për secilin vend. Javën e ardhshme do nxjerrim raportin për situatën e zgjerimit, do bëhet shpjegimi për vendet dhe do shikoni që rezultati për Shqipërinë është i shkëlqyer”, tha Von der Leyen.
LEXONI GJITHASHTU:
- Von Der Leyen nga Tirana: Nisim parafinancimin, Shqipëria do të marrë 920 mln euro
- Von der Leyen pritet sot në Tiranë, nis vizitën katërditore në Ballkanin Perëndimor
