Kandidatët refuzojnë të përballen me kundështarët/ Baçi: Janë thjeshtë justifikime

69.6% e kryeqytetasve duan të shohin një debat publik mes kandidatëve dhe 14.6% nuk duan.

Qytetarët që duan më së shumti të shohin një përballje mes kandidatëve janë votuesit e majtë me 76.1% pasuar nga votuesit e djathtë me 71.8% dhe të pa identifikuarit politikisht me 51.2%.

Ata që nuk duan të shohin një debat publik janë më shumë votues të pa identifikuar politikisht pasuar nga votuesit e majtë me 13.8% dhe votuesit e djathtë me 12.2%.

Analisti Agim Baçi në një intervistë për emisionin “Barometri” në Euronews Albania, tha se janë justifikime fjalët e tyre për të mos bërë debate me kundërshtarët.

Ai theksoi se mungesa e debateve është shpërfillje për qytetarët.

“Në Shqipëri kanë munguar debate. Për mua është një shpërfillje e drejtpërdrejtë e qytetarëve Kur ti nuk guxon të dalësh dhe i thua që unë do të shërbejë ty dhe nuk del në debate me kundërshtarin politik, pse pret që palët të kuptojnë. Për mua ky vendimi që bëjnë palët , për mua është një fyerje e drejtpërderet për  qytetarin  dhe unë kam shumë pak besim tek ata që e refuzojnë përballjen me qytetarin. Çfarëdo që  të kenë për të thënë, justifikimi nuk u hyn në punë fare”- tha ai.

LEXONI GJITHASHTU: 

• Ismail Uka: Ja përse do të fitoj zgjedhjet për bashkinë Dibër
• A duhet të përballen në debat kandidatët e Tiranës? Flasin qytetarët