Kandidati i BF në Kukës: Qytetarët rikthejnë dinjitetin e tyre në vend në 24 shtator

Vata, ZgjedhjetKandidati i koalicionit Bashkë Fitojmë për Bashkinë e Kukësit, Emri Vata, ishte i ftuar këtë të mërkurë në Euronews Albania, ku tha se futet në garën lokale për të fituar dhe për t’ia rikthyer bashkinë qytetarëve.

Vata akuzoi keqqeverisjen e 10 viteve të fundit për shpopullimin e Kukësit, i cili është një nga zonat me emigracionin më të lartë në rang vendi.

Në intervistën e tij, theksoi se e ndërmori këtë sfidë të vështirë pasi është i bindur se kuksianët do të rikthejnë dinjitetin e tyre në vend në këto zgjedhje.

“Unë mora këtë nismë të vështirë për t’iu kthyer një borxh kuksianëve. PD e ka borxh t’ia kthej bashkinë kuksianëve dhe t’i rikthejmë dinjitetin Kukësit”, tha Vata.

Gjithashtu ai shtoi: “Ne e dimë shumë mirë që sot Kukësi ka një gjakderdhje masive shpopullimi të të gjitha shtresave. Kjo vjen për faktin e një keqqeverisje të këtyre 10 viteve të fundit, qoftë të qeverisë qëndrore, qoftë të asaj vendore këto 4 vitet e fundit, të cilën e keqmenaxhuan, e grabitën, dhe në kuptim të fjalës e kishin marrë Kukësin peng, e kishin bërë Kukësin me qera. Me datë 25 Kukësi do tu kthehet qytetarëve” – tha Vata.

LEXONI GJITHASHTU:

• Kulluri: Vata avantazh për të fituar zgjedhjet në Kukës, të bëjë fushatë pozitive
• Lita: Takimet Berisha-Bardhi show politik, gabimi që bën për zgjedhjet në Kukës