Kandidati i vetëm i konfirmuar për kreun e PD, Berisha kërkon rivalë

Emri i Sali Berishës është i pari që konfirmohet për garën e kreut të Partisë Demokratike në 22 maj.

Vetë Berisha thotë se fton kandidatët e tjerë të hyjnë në një garë të barabartë, në mënyrë që kryetari i PD-së të mos zgjidhet me referendum.

“Nëse të tjerë nuk marrin përsipër të kandidojnë për arsye të tyre dhe unë i garantoj për një garë të ndershme, por unë nuk jam Edi Rama që shpik rivalë, ajo është antidemokratike. Kush të dojë, urdhëro. Ka një komision që përcakton çdo rregull. Atëherë mbetet referendumi dhe unë në 22 maj, nëse zgjidhem në një referendum  të mbarë demokratëve…Nëse nuk zgjidhem i nënshtrohem verdiktit të tyre. Nuk ishte kjo kërkesa ime, por natyrisht që zgjedhja referendare më nderon shumë”, tha Berisha.

LEXONI GJITHASHTU:

• ‘Çuçi të dorëhiqet’, Berisha paralajmëron protesta për vdekjen e Ilvi Metës
• Berisha: Anëtarësia e PD u bashkua, rreth 41 mijë votues për kryetarë të degëve