Kandidatja e PD në Vaun e Dejës-Berishës: Zoti non grata nuk bashkëpunoj me ju

Kandidatja e Partisë Demokratike në Vaun e Dejës, Klomentina Drini ka shkruar në faqen e saj në Facebook një mesazh për Sali Berishën, duke iu drejtuar si “zoti non grata” dhe duke i treguar publikisht se nuk bashkëpunon me të.

Ajo tha se pas atij mesazhi është në pritje të sulmeve, por sidoqoftë nuk do qëndronte pa i sqaruar Berishës së është pro amerikane, pro europiane dhe pro Mbretërisë.

“Koha dhe veprat e kanë vërtetu qëndrimin tim ! Unë jam historikisht me Partinë Demokratike! Partia Demokratike , nuk është një parti Kryetari që qon ujë në mulli të Ilir Metës, por një PD vlerash, e hapur për të gjithë ata që ndajnë të njëjtat ide dhe parime të djathta, me orientim qartësisht të fortë pro amerikan, pro perëndimor, me një program modern, vizion e thjeshtësi duke përfshirë në radhët e veta gjithkënd që ndan të njëjtat interesa dhe filozofi politike,” – u shpreh Drini.

Sipas saj pjesëmarrja në garën elektorale është e vendosur dhe asnjë lloj presioni apo bashkëpunimi nuk do e kthejë pas.

LEXONI GJITHASHTU:

• Deputeti i PD mbështet kreun e komunistëve në kandidimin për bashkinë Tiranë
• Çfarë alternative ofron PD për bashkinë Vorë? Ja si përgjigjet zyrtari Kaboçi