Mund të tingëllojë e habitshme, por është e vërtetë. Deputeti i PD, Flamur Noka ka mbështetur me firmë kandidaturën e Marko Dajtit për kryetar të bashkisë Tiranë.

Me pozicion si sekretar i përgjithshëm i Partisë Demokratike të Rithemeluar që drejtohet nga Sali Berisha, Noka ka firmosur një dokument ku vetëdeklarohet si deputet i Partisë Fronti i Majtë që kandidon për bashkinë Tiranë, Marko Dajtin. Ky i fundit më herët ka qenë edhe sekretar i Partisë së Punës së Shqipërisë së Riorganizuar.

Dokumenti i firmosur nga Flamur Noka është i nevojshëm për kandidimin e Marko Dajtit për shkak se partia e tij Fronti i Majtë nuk është parti parlamentare dhe duhet të mbështet nga një deputet që ka mandat parlamentar për më shumë se 6 muaj.

Dajti ende nuk është regjistruar zyrtarisht si kandidat, pasi në shqyrtimin e fundit Komisioneri i Zgjedhjeve Celibashi e ktheu kërkesën për mos plotësim të kuotës gjinore.

LEXONI GJITHASHTU:

• Çfarë alternative ofron PD për bashkinë Vorë? Ja si përgjigjet zyrtari Kaboçi
• Zgjedhjet, deputetët e PD: Mbështetje vetëm për logon, jo për kandidatët e primareve