Kandidatja e re e PS: Pres vota nga rinia, kemi të njëjta interesa dhe dëshira

Bora Muzhaqi, kandidate për deputete e Partisë Socialiste për zgjedhjet e 25 prillit thotë se është përzgjedhur nga pas aplikimit në platformën “Deputeti që duam”.

Edhe pse ajo është e renditur në fund të listës (31) së PS për Qarkun e Tiranës, Bora Muzhaqi thotë se pret të marrë vota nga rinia pasi mund t’i përfaqësojë mjaft mirë në Parlament.

“Pres vota nga pjesa e rinisë, do të kisha shumë dëshirë që rinia të shohë tashmë se ata kanë një zgjedhje për t’i përfaqësuar në Parlament, jo se nuk kanë pasur më përpara por kanë dikë që është mosha e tyre, që ka të njëjtat interesa, të njëjta dëshira, do të shtyjë inovacionin, të shtyj sipërmarrjen, fuqizimin e rinisë dhe mundësisht largimin nga shteti ynë”, u shpreh kandidatja e PS.

Bora Muzhaqi thotë se është një prej studentëve që është kthyer pasi ka studiuar jashtë vendin. Ajo thotë se rikthimi në 2013 ishte i habitshëm pasi i dukej Shqipëria si një vend i huaj. Ajo thotë se të rinjtë mund të bëjnë shumë në vendin e tyre”, deklaroi ajo.