Kanosi dhe tentoi të përplaste me makinë punonjësit e UKT-së, arrestohet 33-vjeçari

27 Maj 2025 | 15:20

Një incident i rëndë ka ndodhur në Kamëz, ku dy punonjës të Ujësjellës-Kanalizimeve dyshohet se janë kanosur në krye të detyrës.

Më të rëndë faktin e bën që një nga punonjësit e Ujësjellës-Kanalizimeve ka denoncuar se një prej autorëve të kanosjes ka tentuar gjithashtu ta përplasë me makinë.

Në lidhje me këtë ngjarje, policia ka arrestuar një 33-vjeçar si dhe ka proceduar një 53-vjeçar, të cilët janë denoncuar nga punonjësit e Ujësjellës-Kanalizimeve se i kanë kanosur në momentin kur po inspektonin lidhjen e ujit në subjektin që bashkadministronin këta shtetas.

“Specialistët për Hetimin e Krimeve të Komisariatit të Policisë Nr. 5 arrestuan shtetasin V. L., 33 vjeç, si dhe referuan materialet në Prokurori, ku nisi procedimi në gjendje të lirë për shtetasin A. L., 53 vjeç, pasi dyshohet se kanë kanosur për shkak të detyrës dy punonjës të Ujësjellës-Kanalizime Kamëz, të cilët po inspektonin lidhjen e ujit në subjektin që bashkadministronin këta shtetas. Njëri nga punonjësit ka kallëzuar gjithashtu se 33-vjeçari ka tentuar ta përplasë me automjet. Nën drejtimin e Prokurorisë po punohet për të sqaruar dhe dokumentuar rrethanat e rastit”, njofton policia.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Përfshihet nga flakët një zonë me shkurre në Gjirokastër, zjarrfikësit në vendngjarje (VIDEO)

Në Gjirokastër në orët e mesditës të së kësaj të mërkure është shfaqur një zjarr problematik në zonën e Gërhotit. Flakët fillimisht përfshinë një sipërfaqe...
17:03 | 01/07/2026

Shirat e rrëmbyeshëm vërshojnë në Shkup, probleme në qarkullim dhe infrastrukturë

Shirat e rrëmbyeshëm që përfshinë të mërkurën Shkupin dhe një pjesë të madhe të Maqedonisë së Veriut shkaktuan vërshime në disa zona urbane dhe rurale,...
16:22 | 01/07/2026

Kryebashkiakut të Kuçovës nuk i hiqet mandati, Celibashi: Ligji i dekriminalizimit nuk gjen zbatim në rastin e Kreshnik Hajdarit

Komisioneri Shtetëror i Zgjedhjeve, Ilirjan Celibashi, ka vendosur të mos i heqë mandatin kryetarit të Bashkisë së Kuçovës, Kreshnik Hajdari, duke vlerësuar se në këtë...
14:10 | 01/07/2026