Kanosi gruan në sy të fëmijëve të mitur, ekstradohet nga Franca 48-vjeçari shqiptar

Interpol Tirana ekstradoi nga Franca drejt vendit tonë, shtetasi shqiptar Xh. K. alias Xh. K., 48 vjeç, i lindur në Pukë.

Shtetasi Xh. K. alias Xh. K. ishte shpallur në kërkim ndërkombëtar nga ZQK Interpol Tirana, pasi Gjykata e Apelit Shkodër e ka dënuar me 1 vit burgim, për veprën penale “Dhuna në familje”. Ky shtetas, pas disa konflikteve me bashkëshorten e tij (në proces divorci), e ka marrë atë në telefon dhe e ka kanosur me jetë, në prani të fëmijëve të saj të mitur.

Si rezultat i bashkëpunimit të Drejtorisë së  Interpol Tirana me Interpol Paris, Francë, u bë i mundur arrestimi i tij në Francë, duke u finalizuar me ekstradimin drejt vendit tonë.

LEXONI GJITHASHTU:

• Blindohet kufiri, momenti kur ekstradohet nga Greqia “ushtari” i Laert Haxhisë
• U kap në makinë me Laert Haxhiun, ekstradohet nën masa të rrepta i shumëkërkuari