Kanosi me armë zjarri një person për t’i marrë 3 mijë euro, pranga 26-vjeçarit

Një 26-vjeçar është vënë në pranga nga Policia e Elbasanit në kuadër të finalizimit të operacionit policor të koduar “Shuma”.

Shtetasi N. S., banues në Prrenjas, dhunoi fizikisht dhe kanosi me armë zjarri një person, për t’i marrë një shumë prej 3 mijë eurosh.

Në cilësinë e provës materiale, 26-vjeçarit iu sekuestruan automjeti që përdorte dhe 2 aparate celularë.

Ndaj të riut, Gjykata e Rrethit Gjyqësor Elbasan, me vendimin e datës 22.12.2022, ka caktuar masën e sigurisë “Arrest në burg” për veprat penale “Shtrëngimi me anë të kanosjes ose dhunës për dhënien e pasurisë” dhe “Mbajtja pa leje e armëve, armëve shpërthyese dhe e municionit”.

LEXONI GJITHASHTU

• Në makinën e tij u kapën 85 kg kanabis, arrestohet 26-vjeçari në Fier
• Theu masën e sigurisë “Arrest në shtëpi”, arrestohet 35-vjeçari në Berat
• Lëvizte me pistoletë nëpër qytet, arrestohet 31-vjeçari në Fushë-Krujë