Në makinën e tij u kapën 85 kg kanabis, arrestohet 26-vjeçari në Fier

Policia ka arrestuar ditën e sotme 26-vjeçarin, pronar i automjetit “Audi Q7”, në të cilin ditën e djeshme u gjetën 3 thasë kanabis që peshonin 85 kilogramë.

Policia bën me dije se në pranga ka rënë V. R., 26 vjeç, banues në Hamil, pasi me makinën e tij dy persona të tjerë po transportonin 3 thasët me kanabis.

“26-vjeçari është pronari i automjetit tip “Audi Q7”, me të cilin shtetasit A. T., 25 vjeç (i arrestuar gjatë operacionit) dhe N. R., 31 vjeç (i shpallur në kërkim), po transportonin 3 thasë më lëndë të dyshuar narkotike cannabis sativa, me peshë rreth 85 kg.”- njofton policia.

Vijojnë veprimet hetimore për dokumentimin e plotë të kësaj veprimtarie kriminale.

Materialet i kaluan Prokurorisë për veprime të mëtejshme.

LEXONI GJITHASHTU: 

• Pse nuk ka reaguar qeveria e Kosovës dhe ndërkombëtarët për rrëmbimin e grave serbe?
• Eksperti ngre alarmin: Grupet kriminale serbe po rrëmbejnë gratë e serbëve në Veri
• Disa qytete në SHBA shpallin gjendjen e jashtzakonshme për shkak të stuhisë