Lëvizte me pistoletë nëpër qytet, arrestohet 31-vjeçari në Fushë-Krujë

Klajdi Buza, 31-vjeç është arrestuar nga Policia në Fushë-Krujë për armëmbajtje pa leje.

Uniformat blu bëjnë me dije se 31-vjeçari lëvizte me pistoletë me vete.

Njoftimi i Policisë

Shërbimet e Forcës së Posaçme “Shqiponja”, si rezultat i kontrolleve intensive në çdo aks të qarkut, me qëllim parandalimin, evidentimin dhe goditjen e veprimtarive kriminale, të mbështetura dhe nga inteligjenca informative, kanë organizuar dhe finalizuar operacionin policor të koduar “Flagranca”, si rezultat i të cilit u arrestua në flagrancë shtetasi:

K.B., 31 vjeç, banues në Fushë Krujë, për veprën penale “Mbajtja pa leje e armëve, armëve shpërthyese dhe e municionit”.

Shërbimet e Policisë, gjatë kontrollit të ushtruar në automjetin me të cilin lëvizte 31-vjeçari, gjetën dhe sekuestruan në cilësinë e provës materiale, 1 armë zjarri pistoletë, me fishekë në fole, të gatshme për qitje.

Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.

LEXONI GJITHASHTU:

• Vrasja e Pjerin Xhuvanit, shtyhet sërish seanca në ngarkim të Arbër Paplekajt
• Lirohet nga burgu “Gjarpri”, vrasësi famëkeq francez
• Pastori: Njerëzit janë pushtuar nga demonët, duhet të çlirohen