Kanosi pronarin e mobilierisë për t’i marrë 4 mijë euro, arrestohet 55-vjeçari

Policia e Elbasanit ka arrestuar një 55-vjeçar i cili ka kanosur pronarin e një mobilierie me qëllim për t’i marrë para.

Gjithashtu, është shpallur në kërkim një 23-vjeçar që dyshohet se ka bashkëpunuar me të arrestuarin, për të kanosur pronarin e mobilierisë.

“Pas denoncimit të një 50-vjeçari, se kanosej nga 2 shtetas, për t’iu dhënë 4000 euro, specialistët për Hetimin e Krimeve të Rënda të DVP Elbasan kryen një hetim proaktiv, në bashkëpunim me Prokurorinë e Elbasanit, dhe finalizuan operacionin policor të koduar “Mobilieri”. Në kuadër të këtij operacioni u arrestua në flagrancë, teksa merrte shumën e eurove, në mobilierinë e 50-vjeçarit, shtetasi P. B., 55 vjeç. Gjithashtu, si bashkëpunëtor për rastin, u identifikua dhe u shpall në kërkim shtetasi A. K., 23 vjeç”, bëri me dije policia.

Në cilësinë e provave materiale u sekuestrua shuma e parave, 2 celularë, si dhe 2 automjete dhe 1 motomjet në përdorim nga 2 shtetasit e implikuar në këtë rast.

LEXONI GJITHASHTU:

• Elbasani në vemendjen e turistëve, historia e gastronomia pikat e forta të turzimit
• Balluku inspekton kantierin e lotit 4, të aksit rrugor Elbasan-Qafë Thanë