Kaos në aeroportet britanike/ Bllokohen për disa orë fluturimet në disa qytete

Një problem teknik ka shkaktuar ndërprerjen e përkohshme të të gjitha fluturimeve që do të niseshin këtë pasdite nga aeroportet e Londrës, Edinburgut dhe Birmingamit. Fluturimet hyrëse, ato që mbërrinin në këto aeroporte, nuk janë prekur nga ndërprerja.

Rreth orës 17:00 me orën lokale, autoritetet britanike konfirmuan rifillimin e nisjeve pas zgjidhjes së pjesëshme të situatës. Sipas një deklarate zyrtare të NATS, autoriteti i kontrollit të trafikut ajror në Mbretërinë e Bashkuar, u vendos një kufizim i përkohshëm i fluturimeve në hapësirën ajrore të Londrës për arsye sigurie, deri në normalizimin e plotë të sistemit.

Më vonë, pas orës 18:30, NATS njoftoi se problemi teknik ishte eliminuar. Megjithatë, pasagjerët janë paralajmëruar për vonesa dhe riorganizime të mundshme në oraret e fluturimeve.

“Ne po u këshillojmë pasagjerëve të kontrollojnë linjën e tyre ajrore përpara se të udhëtojnë. Kërkojmë ndjesë për çdo shqetësim të shkaktuar,” deklaroi një zëdhënës i aeroportit.

Autoritetet vazhdojnë të monitorojnë situatën dhe pritet që trafiku ajror të kthehet në normalitet gradualisht gjatë mbrëmjes.

LEXONI GJITHASHTU:

• Fotoja e Merkel-it e re është e vërtetë, por jo me Von der Leyn dhe Theresa May
• Çfarë është “Unaza e Zjarrit”, që konsiderohet zona sizmike më me rrezik në botë?