Kapen me 12 kg heroinë, arrestohet 33-vjeçari shqiptare partnerja e tij në Selanik

Një 33-vjeçar me origjinë shqiptare dhe partnerja e tij 27-vjeçare greke janë arrestuar nga policia greke në Selanik. Ata akuzohen për trafik të lëndëve narkotike.

Policia greke bën me dije se mbrëmjen e së martës, ata janë pikasur duke drejtuar një makinë në rrugën me pagesë të Malgaras.

Mdiat e huaja raportojnë se gjatë kontrollit janë gjetur 12.2 kilogramë heroinë, një sasi e kanabisit të papërpunuar dhe një shumë e madhe parash.

33-vjeçari shqiptar dyshohet se bashkëpunonte me partneren greke për të blerë sasi të mëdha heroine, të cilat i ruanin dhe i trafikonin brenda territorit grek, kryesisht në Selanik dhe Athinë.

Sipas mediave vendase, shqiptari i arrestuar rezulton i dënuar edhe më parë për grabitje të rënda.

Dy të arrestuarit janë duke u gjykuar me akuzat për organizimin kriminal dhe trafikim droge. Ata do të dërgohen në Prokurorinë Penale të Selanikut për të pritur dënimin e tyre.

LEXONI GJITHASHTU: 

• Java ndërkombëtare e ndërgjegjësimit ndaj miopisë
• I “rrëmbyer” për hakmarrje: Nis gjykimi i djalit të politikanit bjellorus