Kapen me 40 kg kanabis në makinë, arrestohen 3 persona në Lezhë

Tre persona janë arrestuar ditën e sotme në Lezhë pasi janë kapur duke transportuar kanabis drejt Tiranës.

Policia bën me dije se në pranga kanë rënë shtetasit Ergys Markja, 32 vjeç, banues në Tiranë (drejtuesi i automjetit); Dorjan Salla 36 vjeç dhe Artur Demiri 37 vjeç, të dy banues në Tiranë (pasagjerë në automjet).

Gjatë operacionit, të koduar “Tempulli” në aksin rrugor “Shkodër – Tiranë”, në fshatin Gocaj, shërbimet e Policisë kanë ndaluar automjetin tip “Renault” me të cilin dyshohej se po transportohej lënda narkotike.

Gjatë kontrollit në këtë automjet, shërbimet e Policisë gjetën 3 thasë më lëndë të dyshuar narkotike cannabis sativa, me peshë totale 40 kilogramë e 200 gramë.

Nga veprimet hetimore dyshohet se lënda narkotike që u gjet në automjetin e marrë me qira nga shtetasi E. M., po transportohej në drejtim të Tiranës, me qëllim shitjen në doza.

Sasia e lëndës narkotike u sekuestrua në cilësinë e provës materiale, bashkë me automjetin dhe 4 celularë.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme procedurale.

LEXONI GJITHASHTU: 

• Kritikoi policinë në lidhje me protestat pro-palestineze, shkarkohet Braverman
• “Jemi skllevër, po na bëjnë koshin e Europës”-Aktivistja indinjohet për emigrantët