Policia e Vlorës ka finalizuar me sukses një operacion për zbardhjen e një rasti vjedhjeje, të ndodhur në orët e para të mëngjesit të datës 16 shkurt 2025, në një market në lagjen “29 Nëntori”.
Sipas autoriteteve, pas një pune të shpejtë hetimore dhe verifikimit të pamjeve të kamerave të sigurisë, u identifikuan dhe u arrestuan dy prej autorëve të dyshuar të ngjarjes, ndërsa një i tretë u procedua në gjendje të lirë. Të rinjtë dyshohet se kanë kryer vjedhjen me thyerje, duke marrë një shumë prej 20.000 lekësh.
“Në bazë të hetimeve dhe pamjeve të kamerave të sigurisë, është konstatuar se tre persona kanë kryer vjedhjen me anë të thyerjes në një market. Konkretisht, shtetasi G. M., 26 vjeç, dhe një 17-vjeçar u vunë në pranga, ndërsa një 16-vjeçar u procedua në gjendje të lirë, për veprën penale ‘Vjedhja’, kryer në bashkëpunim,” thuhet në njoftimin e Policisë së Vlorës.
Ndërkohë, hetimet vijojnë për të zbuluar nëse këta persona mund të jenë të përfshirë edhe në raste të tjera vjedhjeje. Materialet hetimore i janë referuar Prokurorisë së Vlorës për veprime të mëtejshme ligjore.
LEXONI GJITHASHTU:
- Bashkëpunoi me 17-vjeçarin për të shitur 1 armë zjarri, arrestohet taksisti në Vlorë
- Vetëplagoset me armë zjarri 27-vjeçari në Vlorë, ndërron jetë në spital
