Kapet duke vjedhur një makinë, arrestohet 27-vjeçari në Gjirokastër

Një 27-vjeçar i cili ka thyer masën e sigurisë “Arest në Shtëpi” është arrestuar ditën e sotme në Gjirokastër pasi është kapur në flagrancë duke vjedhur një makinë.

Polcia bën me dije se në pranga ka rënë shtetasi shtetasi H. M., 27 vjeç, banues në Ksamil.

“Pas marrjes së njoftimit se në vendin e quajtur “Ura e Lumit”, Gjirokastër, në afërsi të një karburanti, një shtetas po tentonte të vidhte një automjet, shërbimet e Komisariatit të Policisë Gjirokastër kanë organizuar menjëherë punën për parandalimin e vjedhjes dhe kapjen e autorit.  Si rezultat i veprimeve të shpejta të shërbimeve të Policisë, është kapur në flagrancë duke vjedhur automjetin, shtetasi H. M., 27 vjeç, banues në Ksamil”-njofton policia.

Nga verifikimet e kryera ka rezultuar se ky shtetas ishte shpallur në kërkim nga Policia e Sarandës, pasi kishte thyer masën e sigurisë “Arrest në shtëpi”, të caktuar nga Gjykata e Sarandës, për veprën penale “Vjedhja”.

Vijon puna për zbardhjen e vjedhjeve të tjera që mund të jenë kryer nga ky shtetas.

Materialet procedurale i kaluan Prokurorisë së Gjirokastrës, për veprime të mëtejshme, për veprën penale “Vjedhja”, mbetur në tentativë.

LEXONI GJITHASHTU:

• Kundër BE, emigrantëve dhe islamit, kush është ekstremisti që fitoi në Holandë
• “Do jem i zoti me i ba 3 mln €”- Bisedat e Breçanit me të birin, këshillat për Matën