Kapet magazina me 150 mijë euro mallra kontrabantë në Tiranë, 2 në pranga

Policia e Tiranës ka zbuluar një subjekt të paregjistruar në organet tatimore në të cilin magazinoheshin mallra të kontrabanduara në sasi të mëdha, me vlerë 150 000 euro.

Në pranga ka përfunduar administratori dhe magazinieri i këtij subjekti, ndërkohë që është arrestuar dhe një person tjetër që i tregtonte me pakicë këto mallra.

Gjatë operacionit janë sekuestruar 305 pako, 145 koli dhe 13 thasë me mallra dhe produkte të ndryshme.

Materialet procedurale në ngarkim të personave të ndaluar i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

“Specialistët e Seksionit për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme të Operacioneve Speciale dhe të Kërkimit, në vijim të punës për goditjen e paligjshmërive në fushën e krimeve ekonomike, organizuan dhe finalizuan operacionin policor të koduar “Best cargo”.

Si rezultat u bë arrestimi i shtetasve L. K., 31 vjeç, G. P., 41 vjeç dhe E. D., 40 vjeç, të tre banues në Tiranë.

Shërbimet e Policisë, gjatë kontrollit në një subjekt (magazinë) të paregjistruar në organet tatimore, me administrator shtetasin G. P. dhe magazinier shtetasin L. K., gjetën dhe sekuestruan mallra dhe produkte të ndryshme. Nga veprimet hetimore rezultoi se shtetasi E. D. furnizonte dyqanin e tij, me këto mallra, për t’i tregtuar ato me pakicë”, thuhet në njoftimin e policisë.

LEXONI GJITHASHTU:

• Detajet/ Si u vra shqiptari me kaçavidë nga bashkëkombësi i tij, e jo nga aksidenti
• “Helsinki” publikon raportin për zgjedhjet e 14 Majit, problematikat e gjetura