Kapet parcela e kanabisit në Pogradec, autori i dyshuar ndodhet në burg

Një plantacion kanabisi është asgjësuar në vendin e quajtur “Uji i Ftohtë” në Pogradec.

Si autor i dyshuar i kësaj veprimtarie kriminale është 31-vjeçari me inicialet D.S., banues në fshatin Çermë-Sektor të Lushnjës.

31-vjeçari ndodhet në burg, pasi është arrestuar për kultivimin e 610 bimëve narkotike që u gjetën dhe u asgjësuan në fshatin Tallë, në muajin gusht.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprën penale “Kultivimi i bimëve narkotike”.

“Si rezultat i hetimeve të kryera me metoda proaktive, nga Komisariati i Policisë Pogradec, në bashkëpunim më Prokurorinë e Korçës, në kuadër të megaoperacionit “Territor i pastër”, është përcaktuar autorësia e kultivimit të 128 bimëve narkotike që u gjetën në vendi i quajtur “Uji i Ftohtë”, njësia administrative Velçan, Pogradec.

Shtetasi D. S., 31 vjeç, banues në fshatin Çermë-Sektor, Lushnjë, dyshohet se ka kultivuar 128 bimët narkotike cannabis sativa që u gjetën në këtë zonë, të cilat u asgjësuan me anë të djegies.

Ky shtetas është arrestuar më datë 08.08.2024, i dyshuar si autor i kultivimit të 610 bimëve narkotike cannabis sativa, që u gjetën në vendin e quajtur “Uji i Ftohtë”, në fshatin Tallë, dhe u asgjësuan me anë të djegies”, thuhet në njoftimin e policisë.

LEXONI GJITHASHTU:

• Kishte kultivuar 250 bimë kanabisi në pyll, arrestohet në flagrancë 43-vjeçari
• EMRI| Kapet parcela me 610 bimë kanabisi në Pogradec, arrestohet 31-vjeçari