Kapet shqiptari në aeroportin e Lutonit, kaloi nga Rinasi 1700 paketa cigaresh

Një 38-vjeçar që kontrabandoi nëpërmjet aeroporti të Rinasit, 1700 paketa me cigare, është arrestuar në aeroportin e Lutonit në Britaninë e Madhe.

I riu shqiptar u kap nga autoritetet angleze, pas kontrollit të valixheve, ku iu gjet sasia e konsiderueshme e cigareve.

Gjatë këtij operacioni, u sekuestruan në cilësinë e provës materiale, paketat me cigare, të cilat iu shpëtuan autoriteteve të sigurisë në aeroportin e Rinasit.

“Si rezultat i shkëmbimit të menjëhershëm, me homologët britanikë, të informacioneve të siguruara nga Departamenti i Policisë Kriminale dhe Departamenti i Kufirit dhe Migracionit të Policisë së Shtetit, u finalizua nga shërbimet e Policisë Kufitare të Mbretërisë së Bashkuar, operacioni policor ndërkombëtar i koduar “Paketa”. Gjatë operacionit, në aeroportin e Lutonit, Londër, u kap dhe u ndalua shtetasi shqiptar E. M., 38 vjeç, i lindur në Burrel, pasi nga kontrollet, iu gjetën në çantë, 1700 paketa me cigare të kontrabanduara nëpërmjet PKK Rinas”, njofton policia.

LEXONI GJITHASHTU:

• Furnizonte me mallra kontrabandë dyqanet në Sarandë, arrestohet polici i doganës
• Njeriu “kyç” në dosjen Metamorfoza, arrestohet në Itali “Leksi i druve”