Kardinali Ernest Simon Troshani uron besimtarët për Festën e Pashkës

Kardinali Ernest Simon Troshani ka uruar besimtarët katolikë me rastin e Festës së Pashkës.

Në mesazhin e tij, drejtuar besimtarëve katolikë, Troshani e cilëson këtë festë, si ditën e fitores më të madhe.

“Vëllezër e motra shqiptarë si çdo vit, erdhi dhe dita e kremtimit të festës më të madhe, të fitores më të madhe, dita e Pashkëve. Dita e Pashkëve synon ndarjen e historisë mes kohës së vetë dhe etapën e re plot dritë që është shpresa e të ngjallurit”, tha ai.

Ai uron që Festa e Pashkës të sjellë gëzim dhe lumturi për çdo besimtar katolik,

“Ju uroj Pashkë të lumtura, Krishti i ringjallur të përcjellë në zemrat e të gjithëve që t’u japë jetë, shëndet, pasuri, begati e lumturi gjithë popullit”, theksoi ai.