KAS vendos rinumërimin e të gjitha votave në Rrogozhinë

Pas kërkesës së BF për rinumërimin e votave në Rrogozhinë, KAS ka vendosur për rinumërimin e të gjitha kutive, por ka përfshirë edhe kutinë e burgut.

Koalicioni Bashkë Fitojmë ankimoi rezultatin në këtë bashki dhe ka kërkuar rinumërimin e votave, por ka kërkuar që kutia e burgut të mos përfshihej, pasi sipas tyre ishte ajo që ka sjellë manipulimin e rezultatit në këtë bashki.

Përfaqësuesi i ‘BF’, Ivi Kaso tha se në këtë bashki është i nevojshëm rinumërimi i votave. “Në këtë zonë zgjedhore është i nevojshëm rinumërimi dhe rivlerësimi i të gjitha votave. Vetëm kështu kemi garancinë që rezultati që do të dalë nga ky proces do të pasqyrojë të vërtetën e këtij procesi zgjedhor”, tha Kaso.

Kjo kërkesë e koalicionit ‘BF’ për rivlerësim të rezultatit është kundërshtuar nga përfaqësuesi i PS, Eridian Salianji i cili kërkoi dhe rrëzimin e ankimimit dhe shpalljen e rezultatit përfundimtar me fitues Edison Memollën.

Diferenca mes kandidatit te PS, Edison Memolla dhe atij te BF Shkelqim Hoxha është vetëm 30 vota.

LEXONI GJITHASHTU:

• “Hakmerret” Gjermania, vendos mbylljen e 4 nga 5 konsullatave ruse
• Muzeu i dëshmisë dhe kujtesës, rriten vizitorët, të huajt habiten më atë çka shohin