Katastrofa natyrore në Zvicër, të paktën 4 persona humbin jetën

Mot i ashpër në Zvicër ka shkaktuar dëme të infrastrukturës dhe të paktën katër viktima, duke bërë që qeveria të vërë në pikëpyetje aftësinë e vendit për të përballuar stuhitë e ardhshme.

Ngjarjet ekstreme të motit, që kanë lënë të paktën katër persona të vdekur, mund të kenë rritur rrezikun e katastrofave natyrore në këtë vend alpin.

Të paktën tre persona humbën jetën në një rrëshqitje dheu në Luginën Maggia, sipas transmetuesit publik zviceran SRF, ndërsa policia lokale gjeti trupin e një burri në luginat anësore në jug të Rhone. Në kantonin e Valais, lumi Rhone ka dalë nga shtrati në disa zona, duke përmbytur një autostradë dhe një linjë hekurudhore.

Presidentja zvicerane Viola Amherd shkroi në platformën sociale X se stuhitë e forta kanë shkaktuar dëme të mëdha në Zvicër dhe situata mbetet e tensionuar. “Ju lutemi kujdesuni për veten dhe ndiqni udhëzimet e autoriteteve,” tha ajo.

LEXONI GJITHASHTU:

• Temperaturat ekstreme, Osmani zbulon si do të jetë moti në ditët e ardhshme në vend
• Një në pesë amerikanë nën alarm të motit ekstrem