KE: Shënkolli, burg i përkohshëm për të dënuarit me probleme mendore

Në nëntor, qeveria vendosi të mbyllë burgun e Zaharisë ku vuanin dënimin të burgosurit me problem mendore. Të gjithë u trasferuan drejt Shënkollit i cili u përshatat për këtë kategori të dënuarish.

Për këtë situatë, Këshilli i Europës ka përgatitur një raport. Delegacioni ka qëndruar tre ditë në Shqipëri dhe ka konstatuar fillimisht se Zaharia nuk plotësonte asnjë kusht për të qënë një institucion që të trajtonte të sëmurët.

Sipas rekomandimeve, as burgu i Shënkollit nuk është zgjidhje përfundimtare edhe pse kjo nismë është mbështetur nga Këshilli Europian.

Shënkolli duhet të jetë i përkohshëm dhe qeveria të gjejë një zgjidhje tjetër për një vend të përhershëm.

Për burgun e Lezhës rekomandohet që të shtohet staf i specializuar që trajtojnë të burgosurit me probelme mendore dhe të kryhet trajtim individual për secilin.

Një rekomandim tjetër i rëndësishëm është trajtimi i diferencuar mes meshkujve dhe femrave si dhe te respektohet çdo e drejtë e tyre.

Rreth 200 të burgosur të cilët kanë probleme të shëndetit mendor qëndrojnë në burgun e Shënkollit.

LEXONI GJITHASHTU

• Lirohet drejtori i komanduar i burgut të Reçit
• Françesko Beketi ankimon dënimin me burg