Këlliçi premtoi transport publik falas, Qafoku: Cilësia e shërbimit, më e keqe

Gazetari Roland Qafoku thotë se premtimi i kandidatit të opozitës për Bashkinë e Tiranës, Belind Këlliçi, për transportin publik falas, është populist.

Në një intervistë për Euronews Albania, Qafoku u shpreh se nëse kjo realizohet, cilësia e shërbimit do të jetë më e keqe, pasi është e vështirë ta mirëmbash.

“A është ky një premtim që mbahet? A është cilësisht i mirë ky shërbim po të jetë falas? Ndonjëherë, diçka kushton më shumë, por cilësia e saj është më e mirë. Mua më shqetëson cilësia më shumë sesa ky populizmi, premtim popululist. Unë jam i bindur që po të jetë falas, ajo do bëhet rrumpallë pastaj. Do shkatërrohet, do denigrohet. Ndërtimi i diçkaje është një gjë, por mirëmbajtja është po aq e rëndësishme sa ndërtimi”, theksoi ai.

LEXONI GJITHASHTU

• Transport publik falas? Soko: Dua të shoh dokumentet, si e llogarit Këlliçi
• Premtimi i Këlliçit për transportin publik falas, gazetari: Ja sa kushton për 1 vit
• “Këlliçi tha se do bëjë transportin falas”, Ngjela: E premtuan komunistët, s’bëhet