“Kemi ca lajme të mira”, Pango: Jemi më të “djegurit” për Europën!

Profesori Ylli Pango komentoi gjetjet e Barometrit në Euronews Albania që treguan se qytetarët shqiptarë kryesojnë listën e vendeve më pozitive ndaj BE-së krahasuar me çdo vend tjetër europian dhe të rajonit.

Por pavarësisht mendimit pozitiv për Bashkimin Europian, qytetarët shqiptarë mendojnë që anëtarësimi ynë nuk do të jetë i afërt.

Sipas Pangos, të dhënat janë realiste pasi pjesa më e madhe e shqiptarëve janë bërë pesimistë për shkak të pritjes së gjatë, por nga ana tjetër ne mbetemi kombi më “i djegur” për Evropën për shkak të izolimit të gjatë 45-vjeçar.

“26 për qind kanë një lloj optimizmi për 5 vjet dhe pjesa tjetër vazhdojnë të jenë pesimistë. Pjesa më e madhe janë bërë pesimistë, kjo është një lodhje e stërgjatë. Edhe ata që janë optimistë, sepse kanë dëgjuar ca fjalë të mira kohët e fundit, ka thënë edhe një fjalë Soreca; në dhjetor kemi ca lajme të mira. Unë shpresova edhe vete, të presim. Jemi më të djegurit për BE, jemi më të izoluarit për 45 vjet në mënyrën më absurde. Maqedonia, Mali i Zi, kosovarët ishin shumë më të lirë për lëvizjen në Evropë, për ne ka qenë mollë e ndaluar, ndaj edhe e idealizojmë. Ne jemi të djegur për Evropën”, tha Pango.

LEXONI GJITHASHTU:

• Shqiptarët më pozitivë me BE se çdo vend tjetër në Europë, gjetjet e Barometrit
• Gjetjet e Barometrit: Shumica e shqiptarëve e mendojnë të largët anëtarësimin në BE