“Kemi gabuar rëndë në Turqi”, Cakrani flet për marrëveshjet e ekstradimit

Avokati Kujtim Cakrani i ftuar në emisionin “Review” në Euronews Albania foli në lidhje me marrëveshjet e esktradimit me vendet e tjera të botës.

Ai theksoi se vendi ynë bëri një gabim të rëndë me marrëeshjen që bëri me Turqinë, ndërsa tregoi dhe rastin e fundiy të arrestimit të Leart Haxhiut në Greqi.

“Në vitin 2023 kemi arritur marrëveshjen e ekstradimit me Kosovën. Është Ministri i Drejtësisë ai që vendos, pasi është dhënë vendimi i Gjykatës. Ne kemi gabuar në ekstradime me Turqinë dhe janë shumë të rënda. Janë shkelje të drejtave të njeriut. Ekstradimi bazohet te Konventa Evropiane e të Drejtave të Njeriut. Kemi rastin e fundit.Po kërkon Shqipëria Leart Haxhiun që është kapur në Greqi dhe doli që kërkohej në Shqipëri. Aty vendosi Gjykata e Janinës sepse tha se në Shqipëri nuk funksionon drejtësia dhe nuk e ekstradoi”- tha Kujtim Cakrani.

LEXONI GJITHASHTU: 

• “Kemi gabuar rëndë në Turqi”, Cakrani flet për marrëveshjet e ekstradimit
• Gazetari: Qëndrimi i SHBA për non-gratën ishte për Gaz Bardhin